2016 மதுவிலக்கு ஆண்டு: பத்திரிகை செய்தி - சட்ட பஞ்சாயத்து இயக்கம்.

அதிமுகவின் படிப்படியாக மதுவிலக்கு அறிவிப்பு:
இன்று முதல்வராக பதவியேற்ற செல்வி. ஜெயலலிதா அவர்களின் பூரண மதுவிலக்கை நோக்கிய முதல் படியாக அறிவித்துள்ள டாஸ்மாக் நேரம் குறைப்பு மற்றும் 500 கடைகளை மூடுவது ஆகியவற்றை சட்ட பஞ்சாயத்து இயக்கம் மனப்பூர்வமாக வரவேற்கிறது.

இந்த அறிவிப்பை வரவேற்கும் அதே நேரத்தில் சில முக்கிய கோரிக்கைகளையும் சட்ட பஞ்சாயத்து இயக்கம் முதல்வர் முன்னிலையில் வைக்கிறது.

1. புதிய கடைகள் இனி திறக்கப்படாது என்று அறிவிக்க வேண்டும்.
2. மூடப்படும் கடைகள் அதன் அருகே வேறு எந்த பகுதிகளிலும் துவக்கப்படாது என்று அறிவிக்க வேண்டும்.
3. டாஸ்மாக் நேரம் குறைப்பு விஷயத்தில் இந்த விதியை மீறுபவர்கள் மீது கடுமையான நடவடிக்கைகள் எடுக்கப்படும் என்பதை உறுதி செய்ய வேண்டும்.
4. நேர அறிவிப்பை மீறுபவர்கள் மீது புகார் அளிக்க பிரத்யேக புகார் எண் அறிமுகப்படுத்தப்படவேண்டும். அல்லது ஏற்கனவே உபயோகத்தில் உள்ள 10581 என்ற எண்ணை பொது மக்களுக்கு விளம்பரப்படுத்த வேண்டும்.
5. டாஸ்மாக் பார்கள் மூடுவது குறித்த முடிவை விரைவில் அறிவிக்க வேண்டும்.
6. மீதமுள்ள 6300 கடைகளை மூடுவது குறித்த திட்டத்தை பொது மக்களுக்கு அறிவிக்க வேண்டும்.

செந்தில் ஆறுமுகம்
மாநில பொது செயலாளர்
சட்ட பஞ்சாயத்து இயக்கம்
8754580274

நன்றி / Thank you,
சட்ட பஞ்சாயத்து இயக்கம் -
8754580269

Satta Panchayat Iyakkam,